Benzın shashqan: Atyraýlyq turǵyn aǵasynyń úıin órtep jiberdi
ATYRAÝ. QazAqparat – Atyraý oblysynda mas er adam aǵasynyń úıin órtep jiberdi, dep habarlaıdy QazAqparat.
Oblystyq Polıtsııa departamenti baspasóz qyzmetiniń málimetine súıensek, oqıǵa 3 qazanda Qyzylqoǵa aýdanynda bolǵan.
«Aýdandyq polıtsııa bólimine saǵat 17:30 shamasynda Oıyl aýyldyq okrýgine qarasty eldi mekenderdiń birinde turǵyn úı órtengeni týraly habar túsken.
Aryzdanýshy áıeldiń aıtýynsha, kúıeýiniń inisi ishimdik ishken mas kúıde úıdiń ishine janarmaı shashyp, órtegen. Órt saldarynan turǵyn úı tolyǵymen janyp ketken. Turǵyn úıdiń ıeleri janyp jatqan baspanadan shyǵyp úlgergen», - dep habarlady departamenttiń baspasóz qyzmetinen.
Oqıǵa ornyna tergeý toby men tótenshe jaǵdaılar bóliminiń qyzmetkerleri jedel jetip, 55 jastaǵy kúdiktini ustaǵan. Belgili bolǵandaı, kúdikti órt qoıý sebebin otbasylyq kıkiljińniń saldarymen túsindirgen.
Qazir ustalǵan kúdiktige qatysty QR Qylmystyq kodeksiniń 202-babynyń 2-bóligimen (Bótenniń múlkin qasaqan joıý nemese búldirý) sotqa deıingi tergeý júrip jatyr.
Eske salaıyq, buǵan deıin Atyraý oblysynda garajdaǵy eki kólik órtenip, sheteldik azamat kúıip qalǵanyn jazǵan edik.
