Benzın máselesi jiti baqylaýymyzda tur - BQO ákimi
ASTANA. QazAqparat - Batys Qazaqstan oblysynda AI-92 benzıniniń tapshylyǵyna qatysty esh problema joq . Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte Batys Qazaqstan oblysynyń ákimi Nurlan Noǵaev málim etti.
«Iá, munaı ónimderine qatysty aıtar bolsam, benzın tapshylyǵy oryn alǵan kezeń de ótti. Tipti, ákimdik aldyna kólikterin qoıyp, aktsııa da uıymdastyryldy. Qabyldanǵan sharalardyń arqasynda bul problema búginde rettelýde ári baqylaýda. Reseıden jáne basqa da jaqtan tikeleı benzın ákeletin janarmaı quıý stansalary bar. 92 benzıni erkin saýdalanýda», - dedi oblys basshysy.
Onyń sózine qaraǵanda, elimizdiń zaýyttarynan janarmaıdyń qajetti kólemi óńirlerge jóneltilýde. Bul janarmaı salasyndaǵy ahýaldy rettep otyrýǵa múmkindik beredi.
«Degenmen, 92 benzıniniń baǵasy retteletindigin, al 95 benzıniniń quny rettelmeıtindigin atap ótkim keledi. Kóligine 95 markaly benzın quıatyndar óte az. Óıtkeni, baǵa aıyrmashylyǵy 20-30 teńgeni quraıdy. Eki benzın de qymbat kólikterge quıylady», - dedi N.Noǵaev.
