Benzın ishýge qumar jigitke janarmaı beketine kirýge tyıym salyndy
ASTANA. 6 qańtar. QazAqparat - Anglııanyń jergilikti soty benzınge qumar 45 jasar turǵynyna janarmaı beketine kirýge tyıym saldy.
Sheteldik BAQ málimeti boıynsha, 45 jasar Braın Taılor esimdi azamat tek benzınniń ıisin ıiskeýmen shektelip qalmastan, ony ishýge de qatty qumartqan. Benzın ishken soń esalań adamdarsha bılep, jurt mazasyn alatyn kórinedi. Sol sebepti 2005 jyldan beri birneshe ret janarmaı beketinen benzın urlap ishkeni úshin temirtorǵa da qamalǵan.
Alaıda 2013 jyldyń sońǵy kúni ol qaıtadan qumarlyqqa boı berip, jergilikti janarmaı beketine kirip benzın urlap iship otyrǵan jerinen qolǵa túsken. Sot sheshimi boıynsha oǵan Anglııa aýmaǵynda janarmaı beketine kirýge tyıym salyndy. Sonymen qosa 16 apta qamaýǵa alynyp, 120 sterlıng aıyppul tóleıdi.
