Benzın, dızel álde elektr: Qazaqstanda qaı kólik túri kóp
ASTANA. KAZINFORM — 2026 jylǵy qyrkúıekte Qazaqstanda 170 141 avtokólik quraly esepke qoıyldy, dep habarlaıdy Ulttyq statıstıka bıýrosynyń baspasóz qyzmeti.
Aı ishinde tirkelgen kólikterdiń qurylymynda jeńil avtomobılder — 87,9%, júk avtomobılderi — 6,1%, tirkemeler — 2,7%, avtobýstar — 0,8%, mototsıklder — 0,6% jáne basqa da avtokólik quraldary 1,9% qurady.
Paıdalanylatyn otyn túri boıynsha:
- benzınmen júretin — 133 956 kólik quraly (jalpy sannyń 78,7%-y);
- dızel otynymen júretin — 11 703 kólik quraly (6,9%);
- gazballondy otynmen júretin — 752 kólik quraly (0,5%);
- aralas otyn túrimen júretin — 14 347 kólik quraly (8,4%);
- elektr qýatymen júretin — 3 304 kólik quraly (1,9%);
- otyn túri kórsetilmegen — 6 079 kólik quraly (3,6%).
— 2026 jylǵy 1 qazandaǵy jaǵdaı boıynsha elimizde tirkelgen avtokólik quraldarynyń jalpy sany 6 114,6 myńǵa jetti. Tirkelgen avtoparktiń qurylymynda jeńil avtomobılder basym boldy. Olardyń sany 5 126,8 myńdy (83,9%) qurady. Júk avtomobılderiniń sany 497,7 myńǵa (8,1%), tirkemeler 264,7 myńǵa (4,3%), avtobýstar men shaǵyn avtobýstar 89,5 myńǵa (1,5%), mototsıklder 75,3 myńǵa (1,2%), basqa da avtokólik quraldary 60,7 myńǵa (1,0%) jýyqtady, — delingen habarlamada.
Tirkelgen avtokólik quraldarynyń eń kóp sany Almaty qalasynda (744,8 myń) jáne Almaty oblysynda (652,4 myń) baıqaldy.
Buǵan deıin kólik jáne qoıma salasyndaǵy kórsetkish qaı óńirlerde tómen ekeni belgili boldy.
