Benzın baǵasynyń ósýine negiz joq – Energetıka mınıstrligi

NUR-SULTAN. QazAqparat – Elimizdiń Energetıka mınıstrligi Qazaqstanda benzın baǵasynyń ósýine negiz joq ekenin alǵa tartty, dep habarlaıdy QazAqparat tilshisi.

«Búginde elimizde benzınniń baǵasy turaqty. Biz bınzın baǵasyna qatysty sońǵy 3 jyldyń statıstıkasyn qaradyq, osy ýaqyt aralyǵynda baǵa 15 teńgege qymbattaǵan. ıAǵnı 63 teńgeden 179 teńgege jetken jáne benzın baǵasy ár óńirde ártúrli. Árıne baǵanyń Almatyǵa qaraǵanda Atyraýda arzan bolatyny túsinikti. Degenmen búgingi tańda benzın baǵasynyń ósýine negiz joq. Ekinshiden, benzın baǵasyn Energetıka mınıstrligi rettemeıtinin eske salǵym keledi. Baǵa naryqqa baılanysty. Iá, keıbir benzın óndirýshiler naryq turaqsyzdyǵyn paıdalanyp baǵany ósirip, qalta qamyn oılaýy múmkin. Osy oraıda biz monıtorıng júrgizip otyrmyz, maqsat – janar-jaǵarmaı tapshylyǵy men baǵa ósýiniń aldyn alý jáne boldyrmaý», - dedi QR Energetıka mınıstriniń birinshi orynbasary Murat Jórebekov OKQ-de ótken baspasóz máslıhatynda.

Sondaı-aq, vıtse-mınıstr elimizde janar-jaǵarmaı baǵasynyń kórshi eldermen salystyrǵanda arzan ekenin tilge tıek etti.

«Janar-jaǵarmaı baǵasyn kórshi eldermen salystyrsaq, olarda aıtarlyqtaı qymbat. Mysaly, AI-92 benzıni Qyrǵyzstanda 289 teńge turady, Ózbekstanda 323 teńge al Reseıde 287 teńgeni quraıdy. Jalpy janar-jaǵarmaı baǵasy únemi nazarda», - deıdi ol.