Benzın baǵasy áli de ósedi – sarapshy
«Qazirgi ósim munaıdyń álemdik baǵasynyń ósýimen tuspa-tus keldi, sondyqtan álemdik baǵalarmen birge bizde de benzın baǵasy ósti degen qate pikir qalyptasty. 20 naýryzda jazǵanymdaı, sol kezdegi baǵalar munaı óndirýshi jáne óńdeýshi kompanııalar úshin tıimsiz boldy. Naryqtyq ekonomıkada baǵalar bir jyl buryn ósýi tıis edi, biraq 2020 jylǵy qańtardan bastap, tutynýshylyq tómendep, qaıta óńdeýge arnalǵan aktsızderdiń ósýine qaramastan, baǵa ózgergen joq», - dedi Oljas Baıdildınov Ortalyq kommýnıkatsııalar qyzmetinde ótken brıfıngte.
Sarapshy bir jyl burynǵy jaǵdaıǵa aıryqsha toqtaldy.
«Bir jyl buryn kóptegen «sarapshylar» bir sózdi qaıtalady: munaıdyń álemdik baǵasy 3 ese tómendedi, demek Qazaqstanda da baǵa 3 ese quldyraýy tıis. Іshki naryqtaǵy baǵalar burynnan beri dotatsııalanady jáne olar álemdik baǵadan edáýir tómen», - dep tolyqtyrdy Oljas Baıdildınov.
Onyń aıtýynsha, baǵa qymbattaǵansha Qazaqstan álemdegi eń arzan benzın boıynsha 7 – orynda bolsa, qazir 8-9-orynda tur.
