Benzın baǵasynyń ósýinde eshqandaı alypsatarlyq faktor joq - Energetıka mınıstrligi

Energetıka mınıstri Almasadam Sátqalıev benzın men dızel otynynyń baǵasyna qatysty pikir bildirdi, dep habarlaıdy Kazinform.

"Baǵa belgileý kezinde biz eki faktorǵa súıenemiz: suranys pen usynystyń araqatynasy. Osyǵan baılanysty jaǵdaı teńdestirilgen. Qazaqstanda benzın óndirisiniń barlyq qajetti kólemi tolyq kólemde óndiriledi. ıAǵnı, bul AI-95 pen AI-92. Óndiristi eskergende biz ishki tutynýdy tolyǵymen jabamyz jáne ishki naryqty qamtamasyz etemiz. Benzın baǵasynyń ósýine eshqandaı alypsatarlyq faktor joq. Sonymen qatar, bir aı boıy Atyraý MÓZ jóndeýden ótti. Qazir iske qosý operatsııalary bastaldy. 2 qarasha kúni Atyraý MÓZ iske qosylady. Munaı ónimderin turaqty jetkizýdi qamtamasyz etý bóliginde jaǵdaı odan da turaqty ári senimdi bolady", - dedi Almasadam Sátqalıev.

Onyń atap ótýinshe, dızel otynyna qatysty ahýal turaqty.

"Bul dızel otynyna da qatysty. Sonymen qatar, biz ishki naryqta dızel otynynyń profıtsıtin boljaımyz. Ekinshi aspekt memlekettik retteýmen baılanysty. Munaı ónimderiniń retteletin túrleri bar. Olar qatań baqylaýǵa ıe- shekti baǵadan joǵary, baǵa óspeıdi. Biraq rettelmegen baǵa da bar. Onda baǵany anyqtaıtyn faktor ishki ónimder men irgeles memleketterden ımporttalatyn araqatynas bolady. Eger ımport kólemi joǵary bolsa, munaı ónimderiniń baǵasy tıisinshe joǵary bolady", - dedi Energetıka mınıstri.