Benzın baǵasy alǵashqy kezeńde 210 teńgege deıin barýy múmkin – A. Sátqalıev

ASTANA. KAZINFORM – Energetıka mınıstri Almasadam Sátqalıev BAQ ókildermen ótken baspasóz máslıhatynda aqpan aıynda AI-92 markaly benzınniń baǵasy 210 teńgege deıin ósýi múmkin ekenin aıtty.

- Birinshi qadamda baǵa 210 teńgege deıin qymbattaıdy dep baǵdarlap otyrmyz. Ári qaraı neshe qadam jasaıtynymyzdy naryq retteýi kerek. Bizdiń mindet baǵanyń turaqtylyǵyn qamtamasyz etý bolady.

Biz sonshalyqty bir kúıretetindeı ózgeris kútip otyrǵan joqpyz. Buǵan deıin benzın baǵasy 400 teńgege deıin barady eken degen oılanbastan aıtylǵan málimetter tarady. Ondaı ósýge jol bermeımiz, - dedi Almasadam Sátqalıev.

Eske salsaq, úkimettiń keńeıtilgen otyrysynan keıin aqpan aıynan bastap benzın, dızel, suıytylǵan gaz baǵasy ósetini málim bolǵan edi.