Benzema «Realdan», Jerrard «Lıverpýldan» ketýi múmkin
ASTANA. QazAqparat - «Lıverpýl» klýbynyń kapıtany Stıven Jerrard klýbpen jańa kelisim shart jasaýǵa asyǵar emes. Fýtbolshy osy maýsym bitkenin kútip júr, dep habarlaıdy Daily Mirror. Bul týraly sportnews.kz saıty jazdy.
Jerrardtyń klýbpen kelisim sharty bıyl aıaqtalady. Eske sala keteıik, klýb Jerrardtyń jalaqysyn azaıtpaqshy. Muny grand komandalar paıdalanyp qalýǵa tyrysady. Qazirdiń ózinde Mılannyń «Inter» klýby Jerrardqa qyzyǵýshylyq tanytqanyn bildirdi. Al, Madrıdtik «Real» frantsııalyq shabýylshy Kárim Benzemanyń transferi boıynsha kelgen usynystardy qarap jatyr, dep jazady Daily Express. 26 jasar fýtbolshy Anglııanyń «Arsenal», «Lıverpýl» jáne «Manchester ıÝnaıted» klýbtaryna qyzyǵady. Madrıdtik klýb frantsýz shabýylshysyn 40 mln. eýrodan tómen baǵaǵa satpaq emes. Aıta keteıik, Benzema Ispanııa chempıonatynyń bıylǵy maýsymynda 11 kezdesý ótkizip, 8 gol soqty.
