Benındegi janarmaı qoımasyndaǵy órtten 33 adam qaza tapty

Benınniń ońtústik-shyǵysyndaǵy Ýeme departamentindegi Nıgerııamen shekaralas Seme-Krake qalasynda senbi kúni kontrabandalyq benzın qoımasynda órt shyǵyp, kem degende 33 adam qaza taýyp, úsheýi aýyr jaraqat aldy, dep habarlaıdy QazAqparat bul týraly Sınhýa agenttigine silteme jasap.

Jergilikti órt sóndirý qyzmetiniń basshysy Dallıs Aýangbenon janarmaı qoımasynda tutanǵan órt oqıǵa ornyna jaqyn jerde turǵan úıler men kólikterdi de sharpyǵanyn aıtty.

Benın kontrabandalyq benzındi shyǵystaǵy kórshiles Nıgerııadan, janarmaı baǵasy tómen iri munaı óndirýshi elden alady.

Benın qalalarynyń kóshelerinde satylatyn myńdaǵan lıtr benzın ádette Nıgerııamen shekaralas stantsııalardan keledi.