Benınde Norvegııa kemesiniń teńizshilerin qaraqshylar kepilge aldy
NUR-SULTAN. QazAqparat – Benın mańynda Norvegııanyń MV Bonita kemesine qaraqshylar shabýyldap, 9 teńizshisin tutqyndady. Bul týraly ekıpajdyń qalǵan músheleri jergilikti bılikke málimdegen, dep habarlaıdy QazAqparat dw.com-ǵa silteme jasap.
JJ Ugland kompanııasyna tıesili keme Kotoný qalasynyń portynda turǵan kezde shabýyl jasalǵan.
«Biz tótenshe jaǵdaıdaǵy sharalar josparyna sáıkes áreket etip otyrmyz, tıisti vedomstvolarmen baılanystamyz. Tutqynǵa alynǵan teńizshilerdiń otbasyna qulaǵdar ettik», - dep málimdedi kompanııa ókilderi.
Batys Afrıkanyń keı óńirlerinde aqsha talap etý úshin adamdy kepilge alý keń taraǵan jaǵdaı. Tamyzda Kamerýn jaǵalaýynda da qaraqshylar MarMalait kemesiniń segiz teńizshisin tutqyndaǵan.
Jalpy, Halyqaralyq teńiz bıýrosynyń málimdeýinshe, byltyr halyqaralyq sýlarda 201 qarýly qaraqshylyq bolyp, adamdar urlanǵan.
