Bengazyda kóterilisshiler shtab-páteriniń janynda lańkestik áreket jasaldy
ASTANA. 2 maýsym. QazAqparat - Lıvııanyń Bengazy qalasyndaǵy otelderdiń biriniń janynda 4 avtokólik jarylyp,1 adam zardap shekti, dep habarlaıdy RBK.
"Qala ortalyǵyndaǵy jaǵajaıda ornalasqan «Tıbestı» oteli Lıvııa oppozıtsııasy qurǵan Ulttyq aýyspaly keńestiń shtab-páteri jáne baspasóz ortalyǵy retinde paıdalanylyp kelgen. Onda sonymen birge eldegi oqıǵalardy jaryqqa shyǵaratyn kóptegen sheteldik jýrnalıster turady", - dep habarlaıdy Al Jazeera.
UAK tóraǵasynyń orynbasary Abdel Hafız Goda avtokólikke qol granatasy laqtyrylǵan bolýy múmkin dep boljaýda. Odan bolǵan jarylys qasynda turǵan taǵy úsh kólikke sharpyǵan.
Polıtseıler jarylysty Lıvııa basshysy Mýammar Kaddafıdiń agentteri uıymdastyrdy degen boljamdar aıtýda.
