Bengal shyǵanaǵynda týrıstik keme apatqa ushyrady, 21 adam opat boldy
ASTANA. 27 qańtar. QazAqparat - Bengal shyǵanaǵynda týrıster mingen keme apatqa ushyrady, dep habarlaıdy Associated Press.
Oqıǵa saldarynan 21 adam qaza tapty, sondaı-aq zardap shekken 13 adamdy qutqarýshylar toby jaǵalaýǵa jetkizdi. Qazir jedel izdestirý qyzmetiniń qyzmetkerleri kúıreýge ushyraǵan teńiz kóliginde bolǵan taǵy 9 adamdy izdestirip jatyr.
Aldyn ala boljamdarǵa qaraǵanda, barlyq týrıster Úndistannyń turǵyndary eken. Apattyń sebepteri ázirge belgisiz.
