«Benfıka»-«Astana»: esep 2:1-ge jetti

Benfıka Astananyń eseptegi basymdyǵyna ese qaıtara bildi. Oıynnyń 39-mınýtynda portýgaldyqtar gol soqty. Raýl Hımenes gol avtory atandy. Aıta keteıik, Astana oıynnyń basynda eki gol saldy. Aldymen kezdesýdiń 20-mınýtynda Patrık Tvýması esep ashsa, oıynnyń 30-mınýtynda «Astana» sapynan Anıchıch esepti eselegen. Aıta keteıik, búgingi matchta, ókinishke oraı, «Astana» sapynda Jolshıev shyqqan joq. Qarsylastardyń qatarynda alty birdeı mańyzdy oıynshy: Salvıo, Lýızao, Nelson Semedý, Feısa, Lındelef, Gaıtan alańǵa shyǵa almady. Eske sala keteıik, bunyń aldynda «Astana» men «Benfıka» kezdesken bolatyn. Bıyl qyrkúıekte Portýgalııada ótken matchta lıssabondyqtar sapyndaǵy Nıkolas Gaıtan komandasyna jeńis syılaǵan bolatyn. Búgingi matchta argentınalyq shabýylshy oınaı almaıdy, sebebi sońǵy kezdesýde ol qyzyl qaǵaz aldy. «Benfıka» S Tobynda toǵyz upaımen kósh bastap keledi. «Astana» komandasy bolsa, eki ball jınap, tórtinshi orynǵa jaıǵasqan.