Bendıden álem chempıonatyn elimizdiń qurama komandasy jeńilispen bastady
ASTANA. 28 qańtar. QazAqparat - Bendıden Qazaqstannyń qurama komandasy Shvetsııanyń astanasynda ótip jatqan álem chempıonatynyń birinshi matchynda Reseıden 4:6 esebimen utyldy,
dep habarlady Vesti.kz .
Qazaqstandyqtar oıynda esepti birinshi bolyp ashty, bul turǵyda Vıacheslav Bronnıkov erekshelendi. Reseılikter de des bermeı, Evgenıı Ivanýshkın esepti eseledi. Match barysynda Aleksandr Nasonov esepti teńestirdi. Alaıda úziliske deıin Reseı qurama komandasynyń hokkeıshileri qazaqstandyqtardyń qaqpasyna eki ret dop kirgizdi.
Ekinshi taımnyń basynda Ivanýshkın het-trıkti oryndady. Qazaqstandyqtar eselengen esepti qaıta teńestirdi, bul joly Nasonov erekshelendi. Alaıda match barysynda Rıazantsev eki ret dopty qaqpaǵa dál baǵyttap, basyp ozdy.
19 qańtarda Astana ýaqyty boıynsha saǵat 00:00-de ótetin kelesi matchta Qazaqstan Shvetsııanyń komandasymen kezdesedi.
Bendı. Álem chempıonaty. Shvetsııa
Erler. 1-shi týr:
Reseı - Qazaqstan - 6:4;
Shvetsııa - Fınlıandııa - 5:3;
Norvegııa - Belarýs - 5:2.
