Bendı: Qazaqstan quramasy álem chempıonatyna qatysýdan bas tartty
NUR-SULTAN. QazAqparat - Bendıden (dopty hokkeı) Qazaqstan quramasy bıylǵy álem chempıonatyna qatysýdan resmı túrde bas tartty. Bul sheshim álemdegi koronavırýs dertiniń órshýine baılanysty qabyldanǵan. Málimetti Qazaqstan bendı qaýymdastyǵynyń menedjeri Nurlan Orazǵalıev QazAqparat tilshisine resmı túrde rastady.
Álem chempıonaty 29 naýryz - 5 sáýir aralyǵynda Reseıdiń Irkýtsk qalasynda ótkizilýi tıis. Qazaqstan quramasy bıyl A týrnırinde synǵa túsetin edi. Qarsylastary - Shvetsııa, Reseı, Fınlıandııa, Norvegııa, AQSh, Germanııa jáne Estonııa quramalary.
Búgingi kúnge deıin qazaqstandyq bendıshiler álem chempıonatynda 6 márte (2003, 2005, 2012, 2013, 2014, 2015) qola júldeger atandy.
