Benavıdes Jánibek Álimhanulynyń «Kaneloǵa» qarsy múmkindigin baǵalady
ASTANA. – Benavıdes Saýl Alvareske laıyqty qarsylyq kórsete alatyn boksshyny atady, dep habarlaıdy INFORMSPORTS.
Amerıkalyq tanymal boksshy Devıd Benavıdes meksıkalyq juldyz Saýl «Kanelo» Alvareske qazaqstandyq Jánibek Álimhanulymen jekpe-jek ótkizýdi usyndy.
Ol bul aıqas uıymdastyrylsa óte tartysty kezdesý bolatynyn aıtty. Alaıda Benavıdes jekpe-jektiń ótetinine kúmán keltirip otyr.
– «Kanelonyń» qatysýymen men kórgim keletin jalǵyz jekpe-jek – ol Jánibekke qarsy aıqas. Bul keremet kezdesý bolar edi. Biraq munyń júzege asatynyna kúmánim bar, - dedi Benavıdes Fight Hub TV arnasyna bergen suhbatynda.
Aıta keteıik, Jánibek Álimhanuly «Kanelomen» biriktirýshi jekpe-jek ótkizetin ýaqytyn ataǵan edi.
