Ben Ladenniń óliminen soń NATO áskerleriniń Aýǵanstanda qalaýyna negiz joq

Bul týraly búgin Almatyda ótip jatqan «Aýǵanstan: qazirgi jáne bolashaqtaǵy turaqtylyqqa áser jáne Ortalyq Azııadaǵy qaýipsizdik» atty halyqaralyq konferentsııa barysynda Berlın ortalyǵynyń úılestirýshisi Abdolvand Behrýz málimdedi.

«Ben Ladenniń óliminen soń NATO áskerine áskerı sharalardy júrgizý úshin esh sebep joq. Jaqyn arada ondaǵy ásker shyǵarylýy múmkin»,-dep atap ótti Abdolvand Behrýz. Onyń aıtýynsha, Ortalyq Azııa elderindegi memleketter úshin Aýǵanstandaǵy tynyshtyq óte qajet. «Sondyqtan aýǵan máselesine osylaı jıi soǵyp, talqylap turý, naqty is-áreketter kerek», -dedi ol.

Konferentsııa barysynda Aýǵan máselesimen qatar, Ortalyq Azııadaǵy qaýipsizdik máselesi de sóz boldy. Sondaı-aq AQSh pen NATO áskeri Aýǵanstannan ketken jaǵdaıda bolatyn saldarlar da talqylandy. «Exclusive» jýrnaly men F. Ebert qory uıymdastyrǵan konferentsııaǵa Qazaqstan men halyqaralyq sarapshylar, Germanııa, Aýǵanstan, Pákistan men Reseıdiń dıplomatııalyq korpýsynyń, halyqaralyq uıymdardyń ókilderi qatysýda.