Ben Ladenniń oqqaǵary túrmeden shyǵady
ASTANA. 9 qańtar. QazAqparat - Iemen turǵyny Mahmud Mýdjahıd Amerıkanyń Gýantanamodaǵy túrmesinen shyǵarylatyn boldy.
Ol «Ál-Kaıda» uıymynyń múshesi ári Osama ben Ladenniń oqqaǵary.
VVS-diń habarlaýynsha, 33 jastaǵy Mýdjahıd 10 jyldan astam temir tordyń ar jaǵynda jazasyn ótegen. Qorǵaýshysy Devıd Remestiń sózine qaraǵanda, ony túrmede ustaýǵa negiz joq.
Mýdjahıd AQSh prezıdenti Barak Obamanyń Gýantanamony jabý jónindegi tapsyrmasyn oryndaý maqsatynda qurylǵan komıssııanyń aldynda jaýap bergen alǵashqy adam. Túrmede 155 adam jazasyn ótep jatyr. Amerıkandyq bılik ókilderi olardy bostandyqqa jiberý qaýipti dep sanaıdy. Alaıda sottyń olardyń kinásin moıyndatýǵa dálelderi joq.
