Ben Ladenniń qyzy Saýd Arabstanynan pana surady

Bul   aqparatty  Iran ókimeti  rastady,  dep   habarlaıdy Associated Press.   Osylaısha, Ýsama ben Ladenniń   qyzynyń   Saýdııanyń Tegrandaǵy   elshiliginde   ekendigi  týraly    keshe  túsken  aqparat  rastalyp  otyr.

Irannyń  Syrtqy  ister mınıstri Manýchehr  Mottakı   óz  kezeginde,    Saýdııa elshiliginiń   habarlamasyna  deıin, №1 lańkestik  qyzynyń    Islam Respýblıkasnyń aýmaǵynda  júrgeninen beıhabar ekenin   málim etti.  M.Mottakı,  Tegrannyń  Eman ben  Ladenniń  el  aýmaǵynan shyǵýyna  kedergi jasamaıtynyn  atap kórsetti.

Aýǵanstanǵa  amerıkan  áskerleriniń kirýine  baılanysty     ben Ladenniń  otbasy el aýmaǵynan   ketkennen keıin,  onyń balalaryn  uzaq  ýaqyttan beri   kúshpen   ustap  otyr  dep  buǵan deıin Iran  ókimetine  kúdik keltirilgen  bolatyn.

№1 lańkestiń  týystarynyń  aıtýynsha,   ben Ladenniń  áıelderiniń  biri  jáne    6 balasy men 11 nemeresi Tegrannyń mańyndaǵy qupııa        jerde    jasyrynyp     jatqan kórinedi.  Jáne  olarǵa  syrtpen    qarym-qatynas jasaýǵa  tyıym  salynǵan.

Ben Ladenniń  týystarynyń   Iranda   boı tasalaý  fakti,   onsyz da  kúrdeli jaǵdaıdy ýshyqtyryp,   AQSh-tyń Tegranǵa  qarsy  qysymyn    kúsheıtýine   sebep bolýy  múmkin.