Ben Kıngslı Táj-Mahal qurylysshysynyń rólin oınaıdy
ASTANA. Jeltoqsannyń 3-i. QazAqparat - Ataqty akter Ben Kıngslı «Táj» dep atalatyn kartınada Táj-Mahal kesenesin salý arqyly óziniń atyn óshpesteı etken, Uly Moǵoldar áýletinen Úndistannyń bıleýshisi bolǵan Jahanshahtyń rólin oınamaqshy,
dep habarlaıdy QazAqparat Lenta.rý saıtyna silteme jasap.
«Tańǵajaıyp Úndistanǵa degen qushtarlyǵymmen jáne álem keremetteriniń biri - Táj-Mahalǵa degen mahabbatymmen ózime-ózim mynadaı suraqtardy birneshe ret qoıdym: mármárǵa aınalyp qatyp qalǵan qasiret aıqaıy qalaı paıda boldy? Túsiretin fılmimizde dál osyǵan jaýap qaıtarýǵa tyrysamyz», - dedi Kıngslıdiń ózi.
Úndistan taqyryby akterge etene jaqyn - 1982 jyly ol Rıchard Attenboronyń «Gandı» kartınasynda basty róldi somdady. Fılm Kıngslıge «Oskar» syılyǵyn ákeldi.
«Táj» fılminiń negizine Devıd Eshtonnyń (David Ashton) stsenarııi alynǵan, jobanyń bıýdjeti 30 mıllıon dollar dep baǵalanýda.
Táj-Mahal kesenesi Jahanshahtyń ámirimen - tolǵaqtan qaıtys bolǵan súıiktisi Mumtaz Mahaldyń qurmetine - Agrada salynǵan. Qaıtys bolǵannan keıin ámirshiniń ózi de Táj-Mahal zıratyna jerlengen. Táj-Mahal 1983 jyldan beri ıÝNESKO-nyń Dúnıejúzilik mura nysany bolyp tabylady.
