Belýha mańyndaǵy týrızmdi damytý: Qazaqstan men Reseı jańa kelisim ázirlep jatyr
ASTANA. KAZINFORM - QR Týrızm jáne sport mınıstrligi Reseı Federatsııasymen jańa kelisim jobasyn ázirlep jatyr.
Qujat Shyǵys Qazaqstan oblysyndaǵy Belýha taýy mańynda týrıstik qyzmetti damytý men retteýge baǵyttalǵan.
Qujat «Ashyq NQA» portalynda jarııalanyp, 2026 jylǵy 1 mamyrǵa deıin kópshilik talqylaýǵa usynyldy. Ssylka: https://legalacts.egov.kz/npa/view?id=15818568
Jobaǵa sáıkes, kelisim Qazaqstan men Reseıdiń shekaralas óńirleri arasyndaǵy týrızmdi damytady. Sondaı-aq, kelisim eki el arasyndaǵy týrısterdiń baryp-kelý tártibin jeńildetýdi kózdeıdi.
Áńgime Belýha taýyna irgeles aýmaqtar týraly bolyp otyr. Bul óńir taýly týrızm úshin keńinen tanymal baǵyttardyń biri.
Vedomstvo ókilderiniń málimetinshe, qujatty qabyldaý shekara mańyndaǵy aýdandarda taýly týrızmdi damytýǵa, sondaı-aq eki eldiń týrıstik áleýetin arttyrýǵa yqpal etpek.
Arnaıy joba «Qazaqstan Respýblıkasynyń halyqaralyq sharttary týraly» Zańynyń 5-babynyń 2-tarmaǵyna sáıkes ázirlengen. Qujatty iske asyrý áleýmettik-ekonomıkalyq nemese quqyqtyq jaǵynan teris saldarǵa ákelmeıdi dep kútiledi.
Aıta keteıik, Aqtaý qalasy 2030 jyly Ekonomıkalyq yntymaqtastyq uıymy (EYU) aıasyndaǵy týrıstik astana ataǵyna usynyldy.
