Belsendiler Zıka dertine shaldyqqandardy jasandy túsik jasatýyn zańdastyrýdy talap etýde
ASTANA. QazAqparat - Brazılııada zańgerler, belsendiler jáne ǵalymdar toby eldiń Joǵarǵy sotyna Zıka vırýsyna shaldyqqan áıelderge jasandy túsik jasatýǵa ruqsat berý talabymen shyǵyp otyr.
Mamandar Zıka vırýsyna shaldyqqan júkti áıelderdiń keıbir jaǵdaılarda mıkrotsefalııaǵa - uryqtyń mı aqaýyna ákep soqtyrýy múmkin dep qaýiptenýde.
Brazılııa zańy jasandy túsik jasatýǵa tyıym salady. Jasandy túsik jasatý eger júktilik zorlaýdan nemese ananyń densaýlyǵyna tótenshe qaýip tóndirýi jaǵdaıynda ǵana, al 2012 jyldan beri - mıdyń basqa derti - anentsefalııaǵa shaldyqqanda ǵana ruqsat beriledi.
Bıylǵy jyly Ońtústik, Ortalyq jáne Soltústik Amerıkada úshten tórt mıllıonǵa deıin adam Zıka vırýsyn juqtyrýy múmkin, dep málimdedi Dúnıejúzilik densaýlyq saqtaý uıymy (DDSU).
Osy arada, Halyqaralyq Olımpıada komıtetiniń basshysy Tomas Bah Olımpıada basshylyǵynyń bıylǵy jyly Oıyndardyń Rıo-de-Janeıroda qaýipsiz ótkizilýi úshin barlyq sharalar qoldanyp otyrǵanyn habarlady.
Juma kúni HOK Oıyndardyń sportshylary men kelýshileri úshin keńester shyǵaratyny kútilip otyr.
Jasandy túsik jasatý ruqsaty týraly petıtsııany Joǵarǵy sotqa eki aıdyń ishinde jetkizýdi josparlap otyr. Bı-bı-sı-diń habarlaýynsha, avtorlar Zıka vırýsynyń taralýy úshin jaýapkershilikti ony tasymaldaıtyn masalardyń kózin joıa almaǵan Brazılııa bıligine júktemek.
