Belsendi dene eńbegi qyltamaq aýrýyna shaldyǵý qaýpin qysqartady
ASTANA. 16 qazan. Qazaqparat - Belsendi dene eńbegi asqazan isik aýrýyna shaldyǵý qaýpin, ásirese adenokartsınomnyń (aýrýdyń eń kóp taraǵan túri) bolýyn qysqartady. Maıo emhanasy qyzmetkerleriniń tujyrymy metataldaý nátıjelerine negizdelip jasalǵan, dep jazady Science Daily.
Jumystyń avtory Sıddhartha Sınghtyń sózi boıynsha belsendi dene qımylymen shuǵyldanǵan 4 adamǵa júrgizilgen metataldaý olardaǵy isik aýyrýyna shaldyǵý qaýipiniń 32%-ǵa tómendegenin kórsetti. Mundaı kórsetkish sport alańdarynan alshaq júrgen adamdardan baıqalmaǵan.
«Adamnyń artyq salmaq jınaýy ınsýlın deńgeıiniń kóterilip, asqazan isik aýrýlaryna shaldyǵý qaýipiniń ósýine baılanysty», - deıdi S.Sıngh.
Erler arasynda taralýy jaǵynan qyltamaq altynshy orynda, aýrý anyqtalǵannan keıin adam 5 jylǵa deıin ómir súre alady (bul aýrýlardyń 15%-y), biraq kópshiligi bir jyldyń ishinde baqılyq bolady.
Avtordyń pikirinshe, ázirge tek fızıkalyq eńbek qyltamaqtyń qaýipin seıiltti dep naqty aıtý qıyn, múmkin fızıkalyq jaǵynan belsendi adamdar ýaqytynda dárigerge qaralyp, aýrýdy erterek anyqtap jatady, bul árıne emdeýge de jeńildik týǵyzatyndyǵy sózsiz.
Ǵalymdardyń zertteýleri San-Dıegoda jyl saıyn ótetin 78-shi halyqaralyq ǵylymı kezdesý kezinde jarııalandy.
