Belsendi tsıklon Qazaqstanǵa jańbyr, shańdy daýyl ákeledi - 17 tamyzǵa arnalǵan aýa raıy boljamy
ASTANA. 16 tamyz. QazAqparat - 17 tamyz kúni Qazaqstannyń batysynda belsendi tsıklonnyń saldarynan naızaǵaıly ótkinshi jańbyrlar ótip, jekelegen aýdandarda jel kúsheıedi, keıbir jerlerde shańdy daýyl bolýy múmkin.
Respýblıkanyń soltústik aýdandaryndaǵy aýa raıy da turaqsyz bolýy yqtımal. Eldiń qalǵan aýmaǵynda jaýyn-shashynsyz aýa raıy bolady dep kútilýde, dep habarlaıdy Qazgıdrometke silteme jasaǵan QR TJM-niń baspasóz qyzmetinen.
Atyraý, Batys Qazaqstan oblystarynda, kúndiz Mańǵystaý oblysynda jeldiń 15-20 m/s jyldamdyqpen soǵýy kútiledi, keıbir jerlerde shańdy daýyl bolady.
Qostanaı, Qyzylorda, Ońtústik Qazaqstan oblystarynda, kúndiz Jambyl, Soltústik Qazaqstan, Aqmola oblystarynda keıbir jerlerde jel ekpininiń 15-20 m/s-qa deıin kúsheıýi kútiledi.
Mańǵystaý, Batys Qazaqstan, Qyzylorda, Ońtústik Qazaqstan, Jambyl oblystarynda kún qatty ysıdy. Atyraý, Aqtóbe oblystarynda kún qatty ystyq bolady.
Respýblıkanyń batysy, ońtústiginde, ortalyǵy men ońtústik-shyǵysynda tótenshe joǵary órt qaýiptiligi saqtalady.
Jaqyn táýlikterde respýblıkanyń ońtústik, ońtústik-shyǵys jáne shyǵysyndaǵy taýly ózenderde sý deńgeıleriniń aýytqýlary kútiledi.
