Belsendi tsıklon Qazaqstandaǵy aýa raıynyń turaqsyzdyǵyna áserin tıgizedi - 28 aqpanǵa arnalǵan aýa raıy boljamy
ASTANA. 27 aqpan. QazAqparat - Belsendi tsıklon jáne onymen baılanysty frontaldyq bólikter 28 aqpan kúni Qazaqstannyń kóptegen oblystaryndaǵy aýa raıynyń turaqsyzdyǵyna áserin tıgizedi, dep habarlaıdy Qazgıdrometke silteme jasaı otyryp,
QR TJM-niń baspasóz qyzmeti.
«Respýblıkanyń soltústik aýdandary men shyǵysynda antıtsıklonnyń áseri saqtalyp otyr, osyǵan baılanysty aýa raıy jaýyn-shashynsyz bolady», - deıdi sınoptıkter.
Mańǵystaý, Atyraý, Batys Qazaqstan, Jambyl oblystarynyń keıbir jerlerinde jeldiń jyldamdyǵy sekýndyna 15-20 metrge deıin kúsheıýi kútiledi, oblystardyń jekelegen aýdandarynda tuman, kóktaıǵaq, Batys Qazaqsatn oblysynda burqasyn bolýy yqtımal.
Almaty oblysynda keıbir jerlerde tuman, kóktaıǵaq, kúndiz jel ekpininiń sekýndyna 18 metrge deıin bolýy yqtımal, Jalańashkól stansasy aýdanynda ońtústik-shyǵystan sekýndyna 18-23 metr jyldamdyqpen jel soǵady.
Qostanaı, Soltústik Qazaqstan, Qyzylorda, Ońtústik Qazaqstan oblystarynda keıbir jerlerde tuman bolady dep kútilýde.
Jaqyn táýlikterde Ońtústik Qazaqstan oblysyndaǵy alasa taýlardaǵy ózenderde jylymyq pen bolýy múmkin jaýyn-shashynǵa baılanysty tasqyndar kúsheıip, sý basýy múmkin. 28-29 aqpan kúnderi Shardara sý qoımasyna 1400-1420 m3/s. shamasynda sý kelip túsedi.
Jambyl, Almaty jáne Shyǵys Qazaqstan oblystarynyń jekelegen ózenderinde muz qubylystaryna baılanysty sý deńgeıleriniń aýytqýlary baıqalady.
