Belsendi tsıklon elimizge 16 naýryz kúni jaýyn-shashyn ákeledi: soltústikte - qar, ońtústikte - jańbyr jaýady
ASTANA. 15 naýryz. QazAqparat - 16 naýryz kúni Qazaqstannyń kóptegen aýmaǵyndaǵy aýa raıyna belsendi tsıklon áser etetin bolady, dep habarlaıdy Qazgıdrometke silteme jasaǵan QR TJM-niń baspasóz qyzmetinen.
Belsendi tsıklon ózimen birge jaýyn-shashyn ákeledi: respýblıkanyń soltústiginde qar, ońtústiginde - jańbyr jaýady, oblystardyń jekelegen aýdandarynda burqasyndy jeldiń kúsheıýi kútilip, tuman, kóktaıǵaq bolýy múmkin.
Almaty oblysynda kúndiz - keıbir jerlerde soqqan jeldiń ekpini sekýndyna 25 metrge deıin jetedi, Alakól kólderi aýdanynda - 23-28 metr, kúndiz jel ekpini sekýndyna 30 metrden asady.
Jambyl, Qyzylorda oblystarynda keıbir jerlerde tuman túsip, jeldiń sekýndyna 15-20 metrge deıin kúsheıýi kútilýde.
Mańǵystaý, Atyraý oblystarynda - keıbir jerlerde tuman túsip, kóktaıǵaq bolady.
Aqtóbe, Qostanaı oblystarynda - keıbir jerlerde kóktaıǵaq, jeldiń sekýndyna 15-22 metrge deıin kúsheıýi yqtımal, Qostanaı, Qaraǵandy oblystarynda - burqasyndy jel soǵady.
Soltústik Qazaqstan oblysynda - burqasyn bolyp, 17-22 m/s jyldamdyqpen keıbir jerlerde 25 m/s jyldamdyqpen jel soǵady.
Shyǵys Qazaqstan, kúndiz Pavlodar oblysynda jeldiń jyldamdyǵy 15-20 m/s bolyp, burqasyndatýy yqtımal.
Aqmola oblysynda - keıbir jerlerde burqasyn, túnde jeldiń sekýndyna 15-20 metrge deıin kúsheıýi, kúndiz jel ekpini 17-22 metrge deıin bolady dep kútilýde.
Ońtústik Qazaqstan oblysynda - keıbir jerlerde jeldiń sekýndyna 17-22 metrge deıin kúsheıýi kútilýde.
Jaqyn táýlikterde Syrdarııa (Kóktóbe jáne Kergelmes gıdrobeketteriniń arasynda), Shý ózeninde, Almaty oblysynyń jekelegen ózenderinde (Іle, Qaratal, Aqsý, taǵy basqa) muz betiniń álsireýi men buzylýy kútilýde. Ońtústik Qazaqstan, Jambyl, Almaty jáne Shyǵys Qazaqstan oblystarynyń ózenderinde sý deńgeıleriniń aýytqýlary baıqalady. Aýa temperatýrasynyń kóterilýi men kútilip otyrǵan jaýyn-shashynǵa baılanysty Almaty oblysynyń tómengi taýly aımaǵynda qar erip, ózenderde sý deńgeıiniń kóterilýi baıqalady.
