Belsendi atyraýlyq ereje buzǵandardy fotoǵa túsirip, polıtseılerge jiberip otyrady
ATYRAÝ. QazAqparat – Atyraý qalasynyń belsendi turǵyny kólik júrgizýshileriniń jol erejesin buzý faktilerin foto jáne vıdeoǵa túsirip, polıtseılerge jiberip otyrǵan, dep habarlaıdy QazAqparat tilshisi.
Atyraýlyq turǵyn Maqsot Qurmanbaev sońǵy eki jyldan astam ýaqyttan beri tártip saqshylarynyń kómekshisine aınalǵan. Ol osy kúnge deıin 1480 foto jáne vıdeo túsirip, olardy oblystyq Polıtsııa departamentiniń Facebook-tegi paraqshasyna jibergen.
«Turǵyndar júrgizýshilerdiń jol qozǵalysy erejesin buzǵany jóninde Polıtsııa departamentiniń Facebook-tegi paraqshasyna jıi shaǵymdanady. Máselen, Atyraý qalasynyń turǵyny Maqsot Qurmanbaev 2018 jyldan beri jol qozǵalysy erejesin buzý týraly 1480 ártúrli foto jáne beınejazba jiberdi. Belsendi turǵyn kólikti turaqqa qoıý erejesin buzǵandardy da jıi túsiredi. Polıtsııa barlyq habarlamalar boıynsha ákimshilik shara qoldandy», - dedi departamenttiń baspasóz qyzmetinen.
