Belsendi uzaq ómir súrý ortalyqtarynda zeınetkerlerge qandaı qyzmetter tegin kórsetiledi
ALMATY. KAZINFORM – Almatynyń 8 aýdanynda da Belsendi uzaq ómir súrý ortalyqtary jumys isteıdi.
Almaty ákimdiginiń málimetinshe, Belsendi uzaq ómir súrý ortalyqtarynda egde jastaǵy turǵyndarǵa arnalǵan 71 túrli qyzmet kórsetiledi. Tegin usynylatyn baǵdarlamalar azamattardyń densaýlyǵyn nyǵaıtýǵa, bilimin arttyrýǵa jáne belsendi demalysyn uıymdastyrýǵa baǵyttalǵan. Ortalyqtar saýyqtyrý, bilim berý, psıhologııalyq qoldaý, bos ýaqytty mazmundy ótkizý jáne áleýmettik belsendilikti arttyrý syndy birneshe negizgi baǵyt boıynsha jumys isteıdi.
– Saýyqtyrý baǵyty aıasynda emdik dene shynyqtyrý, ıoga, tynys alý jattyǵýlary jáne skandınavııalyq serýen boıynsha sabaqtar ótkiziledi. Bilim berý baǵyty aıasynda kompıýterlik saýattylyq kýrstary, smartfondy tıimdi paıdalaný daǵdylary, shet tilderin meńgerý, sondaı-aq qaladaǵy joǵary oqý oryndary negizinde jumys isteıtin «Kúmis ýnıversıtetterge» qatysý múmkindigi qarastyrylǵan, - dep habarlady ákimdikten.
Odan bólek atalǵan ortalyqtarda psıhologııalyq qoldaý máselesine erekshe mán berilgen. Onyń ishinde este saqtaý qabiletin damytýǵa arnalǵan trenıngter, kúızelisti tómendetý jáne emotsıonaldyq ál-aýqatty arttyrýǵa baǵyttalǵan sabaqtar ótkiziledi. Sondaı-aq shyǵarmashylyq baǵytta vokal óneri, teatr stýdııalary, art-terapııa, túrli qyzyǵýshylyq klýbtary, sondaı-aq ekskýrsııalar men mádenı is-sharalar uıymdastyrylady.
– Ortalyqtardyń basty maqsaty – azamattardyń belsendi ómir saltyn uzartý, áleýmettik oqshaýlanýdy azaıtý jáne belsendi uzaq ómir súrý mádenıetin qalyptastyrý. Baǵdarlamalarǵa zeınet jasyndaǵy Almatynyń barlyq turǵyny qatysa alady. Qyzmet tegin kórsetiledi, - dep atap ótti ákimdikten.
Almaty qalasy Jumyspen qamtý jáne áleýmettik baǵdarlamalar basqarmasynyń Belsendi uzaq ómir súrý ortalyqtary:
– Almaly aýdany, Máýlenov kóshesi, 46-A;
– Medeý aýdany, Tóle bı kóshesi, 24 v;
– Bostandyq aýdany, Seıfýllın kóshesi, 597
– Bostandyq aýdany, Abaı dańǵyly, 44 (Balýan Sholaq sport kesheni) mekenjaıynda ornalasqan.
Aýdan boıynsha Belsendi uzaq ómir súrý ortalyqtary:
– Alataý aýdany: Nurkent shaǵynaýdany - 5, korpýs 22, 2 qabat;
– Almaly aýdany: Jeltoqsan kóshesi, 29;
– Áýezov aýdany: «Tastaq-1» shaǵyn aýdany, 3 úı; Aftsınao kóshesi, 3 a;
– Bostandyq aýdany: «Nur Alataý» shaǵyn aýdany Shýkenov kóshesi, úı 66 a; «Shahrıstan» shaǵyn aýdany, Naýaı kóshesi, 208/2 úı, 268-269 keńse; Ábilhaıyr han kóshesi, 150;
– Jetisý aýdany: «Kemel» shaǵyn aýdany, Esim han kóshesi, 127a; «Aınabulaq-2» shaǵyn aýdany, 32/2 úı;
– Medeý aýdany: Jangeldın kóshesi, 31/2, 3-qabat, 316-keńse; «Dýman» shaǵyn aýdany, Bolashaq kóshesi, 12;
– Naýryzbaı aýdany: «Qarǵaly» shaǵyn aýdany, Kenesary han kóshesi, 54/42, «Han Táńiri» TK; Kenbaev kóshesi, 5; «Shuǵyla» shaǵyn aýdany, 340/35 úı, 13-korpýs;
– Túrksib aýdany: Volgograd kóshesi, 63; Poddýbnyı kóshesi, 65; Zavetnaıa kóshesi, 17.
Eske salaıyq, byltyr Almatyda jańa Belsendi uzaq ómir súrý ortalyqtary ashyldy.
