Belorýstar reseılikterge qaraqumyq satýdan bas tartty
ASTANA. Qyrkúıektiń 3-i. QazAqparat - Belorýs Reseıdi qaraqumyqpen qamtýdy belgili bir dárejede shektep otyr. Bul týraly "Pıaterochka", "Perekrestok" jáne "Karýsel" damýshy dúkenderi júıesiniń X5 Retail Group atqarýshy dırektory Lev Hasıs málim etti, dep jazady Lenta.ru.
"Bizdiń Belorýstaǵy qaraqumyqpen únemi qamtýshylarymyz Belorýs úkimeti tarapynan eleýli shekteý qoıylýyna baılanysty atalǵan ónimdi jetkizýden bas tartyp otyr. Bizge qazirgi Kedendik Odaqqa birigip otyrǵan kezdegi birden shekteý qoıylýy túsiniksiz, degen Hasıstiń tańdanysty sózin keltiredi "Interfaks".
Al Reseı Federatsııasynyń Prezıdenti Dmıtrıı Medvedev «bul quqyqtyq emes, medıtsınalyq shekteý qoıý», dep málimdedi. Ári Kedendik Odaqty basqarýshy birinshi vıtse- premer Igor Shývalovqa «áriptestermen máseleni jan-jaqty talqylaýǵa» tapsyrma berdi. "Men túsinemin, jandy aýyrtatyn úlken qıyndyqtar kezdesip otyr. Alaıda, biz bir odaqtaǵy baýyrlas memleket emespiz be? Odan qaıda qashyp qutylýǵa bolady?», - dedi Dmıtrıı Medvedev.
