Belorýssııalyq tennısshi ekinshi jyl qatarynan AQSh chempıony atandy

ASTANA. KAZINFORM — Álemniń 1-raketkasy, Belarýs ókili Arına Sobolenko AQSh ashyq chempıonatynda top jardy.

Belorýssııalyq tennısshi fınalda álemniń 9-raketkasy, amerıkalyq Amanda Anısımovany qapy qaldyrdy – 6:3, 7:6 (7:3).

Osylaısha, A.Sobolenko AQSh birinshiliginde ekinshi jyl qatarynan úzdik shyqty. Ótken jyly ol taǵy bir amerıkalyq Djessıka Pegýlany 7:5, 7:5 esebimen utqan bolatyn.

Bul – belorýssııalyq sportshynyń «Úlken dýlyǵa» týrnırlerindegi tórtinshi tıtýly. Ol 2023 jyly Aýstralııa ashyq chempıonatynda sońǵy básekede qazaqstandyq Elena Rybakınany jeńgen edi. 

A.Sobolenko bıylǵy AQSh chempıonatynda 5 mln dollarǵa qol jetkizip, tapqan tabystary jóninen tennıs tarıhynda úzdik úshtikke endi. Onyń tabysy 42,2 mln AQSh dollaryna jetti.

Alda apaly-sińlili Serena jáne Vınýs Ýılıamster ǵana tur. 

AQSh dodasynda qazaqstandyqtar Elena Rybakına men Aleksandr Býblık sporttyq joldarynda alǵash ret tórtinshi aınalymǵa deıin jetti. 

Sensatsııa jasap, E.Rybakınany utyp ketken chehııalyq Marketa Vondroýshova shırek fınalda jaraqatyna baılanysty A.Sobolenkomen matchqa shyqpaı qaldy. 

Jasóspirimder arasynda 17 jastaǵy Zańǵar Nurlanulynyń qazaqstandyqtar arasynan tuńǵysh ret jartylaı fınalǵa shyqqanyn atap ótýge bolady. 

Eske sala keteıik, budan buryn AQSh ashyq chempıonatynda Zańǵar Nurlanulynyń qazaqstandyqtar arasynan alǵash ret jartylaı fınalǵa shyqqanyn jazǵan edik.