Belorýssııada Ýkraınaǵa júretin poıyzdarǵa temirjol bıletterin satý toqtatylady
ASTANA. QazAqparat - Belorýssııa temirjol qyzmeti Ýkraınaǵa jol tartatyn poezdarǵa bıletterdiń satylmaıtyny týraly habarlady, dep jazady RBK.
«Ýkraınanyń temirjol kóligi Memlekettik ákimshiliginiń málimdeýinshe, halyqaralyq poıyzdar qozǵalysynyń kestesine túzetýler engizý jáne Qyrymǵa barar jolda qosymsha aıaldamalar qosý qajettiligine baılanysty aǵymdaǵy jyldyń 27 mamyrynan bastap atalmysh baǵytta júretin Belorýssııa temirjol poıyzdarynda jol júrý bıletterin satý ýaqytsha toqtatylady», - delingen habarlamada.
Qazir atalmysh eldiń temirjol qyzmetiniń basshylyǵy temirjol ákimshiligimen birlese otyryp, halyqaralyq poıyzdardyń qozǵalys kestesin kelisisýde. Ýkraına aýmaǵynda júretin poıyzdarǵa bıletterdiń qaıta satyla bastaýy týraly qosymsha habarlanatyn bolady, dep málim etti Belorýssııa temirjol qyzmetkerleri.
