Belorýssııada parlament saılaýy bastaldy
ASTANA. 23 qyrkúıek. QazAqparat - Búgin tańerteń Belorýssııada eldiń Ulttyq jıyny ókilderiniń palatasyna saılaý bastaldy.
«Interfaks» málimettterine qaraǵanda, saılaý ýchaskeleri jergilikti ýaqyt boıynsha saǵat 8:00-de ashylǵan jáne olar saǵat 20:00-ge deıin jumys isteıtin bolady.
Saılaý bir mandatty okrýgter boıynsha ótip jatyr. Parlament depýtaty bolý úshin birinshi týrdyń ózinde kandıdat ýchaskelerge kelgenderdiń 50 paıyzdan astam daýysyn jınaýy tıis. 110 depýttattyq orynǵa 290-ǵa jýyq úmitker qatysýda.
Belorýssııanyń Ulttyq jıynynyń kishi palatasyna saılaý budan buryn 2008 jyly ótken bolatyn. Oǵan saılaýshylardyń 75 paıyzdan astamy qatysqan edi.
