Belorýssııa parlamentine 110 depýtattyń 109-y saılandy
ASTANA. 24 qyrkúıek. QazAqparat - Belorýssııa Ulttyq jınalysynyń ókilderi Palatasyna 109 depýtat saılandy,
dep habarlady dúısenbi kúni Mınsk qalasynda ótken baspasóz máslıhatynda Ortalyq saılaý komıtetiniń tóraǵasy Lıdııa Ermoshına. Bul týraly INTERFAX.RU habarlaıdy.
Belorýssııanyń tómengi parlamentinde 110 oryn bar.
«Saılaý ótti. Olardyń qorytyndylary boıynsha ókilder Palatasyna 109 depýtat saılandy, Gomel oblysyndaǵy saılaý okrýginde ǵana bir depýtat saılanǵan joq», - dep atap ótti OSK-niń tóraǵasy.
Onyń aıtýynsha, bul okrýgte (Novobeletsk) saılaý qaıtadan ótedi.
Belorýssııadaǵy parlament saılaýyna qatysý jalpy alǵanda respýblıka boıynsha 74,3 paıyzdy qurady.
