Belorýssııa, Qazaqstan men Reseıde KO pen BEK-ti qoǵamdyq qoldaýdyń joǵary deńgeıi saqtalyp keledi

SANKT-PETERBOR. 13 qańtar. QazAqparat - Belorýssııa. Qazaqstan men Reseıde Kedendik odaq pen Biryńǵaı ekonomıkalyq keńistikti qoǵamdyq qoldaýdyń joǵary deńgeıi saqtalýda - sáıkesinshe ol 65, 73 jáne 67 paıyzdy quraıdy.

TMD atqarý komıtetiniń baspasóz qyzmetinen habarlaǵandaı, túrli eýrazııalyq ıntegratsııa aspektileri boıynsha TMD elderi aımaǵynyń halqy qoldaý bildirgen. Bul zertteýdi Eýrazııalyq damý banki halyqaralyq «Eýrazııalyq monıtor» zertteý agenttigimen birlesip júrgizdi.

Joba aıasynda TMD aımaǵynyń 12 eliniń turǵyndarynan eýrazııalyq ıntegratsııa men kooperatsııalardyń ekonomıkalyq, saıası jáne áleýmettik-mádenı aspektilerine baılanysty qoǵamdyq pikirin anyqtaý maqsatymen jyl saıyn saýalnama júrgiziledi. Zertteý barysynda TMD-nyń 11 eli men Grýzııadan 14 myń azamattan saýalnama alyndy (ár elden 1-den 2000 adamǵa deıin).

Sonymen birge, 2012 jylmen salystyrǵanda zertteý Qazaqstanda KO pen BEK-ti qoldaý deńgeıi 7 paıyzǵa, al Reseıde 5 paıyzǵa tómendegenin kórsetti. «Al Belorýssııada halyqtyń óz eliniń KO pen BEK-ke qatysýyn maquldaýy 60-tan 65 paıyzǵa deıin kóterilgen», - delingen TMD atqarý komıtetiniń aqparatynda.