«Belkommýnmash» Pavlodarǵa tramvaı jetkizip berýdi taǵy da keshiktirmek
PAVLODAR. QazAqparat - Belarýs kásiporny Pavlodarǵa tramvaı vagondaryn jetkizý merzimin taǵy da uzartý ótinishimen hat joldady, dep habarlaıdy «QazAqparat» HAA tilshisi.
«Belarýstiń «Belkommýnmash» kásiporny «Pavlodar qalasynyń tramvaı basqarmasy» AQ jáne «Pavlodar» ÁKK» UK» AQ-ǵa Pavlodarǵa tramvaılardy jetkizý merzimin sozýǵa ruqsat berý ótinishimen hat jiberdi. Biraq vagondardy jetkizý grafıgin jyljytý máselesi Pavlodarda áli talqylanǵan joq. Ázirge Pavlodar kóshelerinde Belarýste shyǵarylǵan eki jańa tramvaı júr, taǵy birinde iske qosý men jóndeý jumystary júrgizilýde», - deıdi tramvaı basqarmasynyń baspasóz hatshysy Tımofeı Golev.
Eske sala ketsek, jeltoqsanda da vagondar merziminen keshigip kelgen bolatyn. Sol kezde «Belkommýnmashtyń» dırektory Oleg Bytsko negizgi sebep retinde qozǵaltqyshtardyń bolmaýyn kórsetip: «Pskov elektromehanıka zaýyty bizge qozǵaltqyshtardy óz ýaqytynda jetkizip bere almady», - degen bolatyn.
