Belgradta qazaqstandyq taekvondoshylar 2 «altyn» jeńip aldy
ASTANA. QazAqparat - Serbııanyń Belgrad qalasynda ótken taekvondodan halyqaralyq týrnırde Qazaqstan sportshylary eki altyn, bir qola medal jeńip aldy, dep habarlaıdy QazAqparat.
QR Ulttyq olımpıadalyq komıtetiniń baspasóz qyzmeti habarlaýynsha, eki altynyń birin Azııa oıyndarynyń kúmis júldegeri 73 kelide el namysyn qorǵap júrgen otandasymyz Jansel Denız jeńip alsa, ekinshisin Azıadanyń qola júldegeri 53 kelidegi baq synaıtyn sportshymyz Farıza Aldońǵarova qanjyǵasyna baılady. Al qola medalǵa 58 kelidegi Aıtýar Shaıkenov ıe boldy.
Eske sala keteıik, atalǵan reıtıngilik týrnırden soń Jansel Denız 108 upaımen álemdik reıtıngte 25-shi orynda tur. Bul kórsetkish Gran-prı týrnıriniń fınalyna qatysýǵa jetkiliksiz.
Qazaqstan komandasy sapynan jeltoqsanda ótetin fınaldyq Gran-prı dodasyna Smaıyl Dúısebaı ǵana qatysa alady. Ol úzdik 16 sportshynyń tizimine engen.
