Belgili jýrnalıst, aqyn Jumabek Tabynbaev dúnıeden ótti
ASTANA. KAZINFROM — Belgili jýrnalıst, aqyn, prozashy, Qazaqstan Jýrnalıster odaǵy syılyǵynyń laýreaty, Qazaqstan Respýblıkasynyń «Aqparat salasynyń úzdigi» Jumabek Aıdarbekuly Tabynbaev qaıtys boldy.
QR Mádenıet jáne aqparat mınıstrligi aqynnyń dúnıeden ótýine baılanysty otbasy men týystaryna, áriptesterine, týǵan halqyna qaıǵyra kóńil aıtady.
— Jumabek Aıdarbekuly sanaly ǵumyryn el rýhanııaty men buqaralyq aqparat salasyna arnady. Eńbek jolyn 1978 jyly bastap, ár jyldary óńirlik, respýblıkalyq basylymdarda abyroıly qyzmet atqardy. Jýrnalıst qana emes, aqyn ári prozashy retinde de qazaq ádebıetine ózindik qoltańbasyn qaldyrdy. Onyń «Ómir — kerýen», «Soǵys týraly shyndyq», «Jadymdasyń, jarqyn beıne» jáne basqa da kitaptary oqyrman tarapynan joǵary baǵalandy. Kórkem týyndylary arqyly ulttyq ádebıet pen pýblıtsıstıkanyń damýyna súbeli úles qosty. Kásibı biliktiligi, azamattyq ustanymy, adamgershilik bolmysy men ónegeli ǵumyry áriptesteri men keıingi býyn jýrnalıster úshin árdaıym úlgi bolǵan ardaqty azamattyń jarqyn beınesi men esimi el jadynda máńgi saqtalady. Marqumnyń jatqan jeri jaıly, topyraǵy torqa, ımany salamat, jany jánnatta bolsyn, — delingen habarlamada.
Buǵan deıin Qazaqstannyń Qurmetti jýrnalısi Januzaq Aıazbekov ómirden ozǵanyn jazǵan edik.
