Belgili túrkolog ıAsaýı ýnıversıteti kitaphanasyna 3000 kitap tartý etti
ASTANA. KAZINFORM — Qoja Ahmet ıAsaýı atyndaǵy Halyqaralyq qazaq-túrik ýnıversıtetiniń ǵalymy, elge tanymal túrkolog Shákir Ibraev oqý orda kitaphanasyna 3000 kitap qoryn syıǵa tartty. Bul týraly Ǵylym jáne joǵary bilim mınıstrliginiń baspasóz qyzmeti habarlady.
Shákir Ibraev — «Parasat» ordeniniń ıegeri, Túrkologııa ǵylymı-zertteý ınstıtýtynyń dırektory, fılologııa ǵylymdarynyń doktory, professor. Túrkitaný ǵylymyna eren eńbegi sińgen, klassıkalyq akademııalyq mektepten ótken belgili tulǵa.
Bıyl Shákir Ibraev 75 jasqa toldy, ǵalymnyń mereıtoıyna oraı Ahmet ıAsaýı ýnıversıtetinde «Túrkologııa jáne Shákir Ibraev zertteýleri» atty halyqaralyq ǵylymı-tájirıbelik konferentsııa ótti. Bul jıyn oqý ornynyń bastamasymen ár 2 jylda ótetin halyqaralyq HІ Túrkologııa kongresi aıasynda uıymdastyryldy.
Ǵalymnyń aıtýynsha ýnıversıtet kitaphanasyna tartý etken kitap qorynda óziniń jazǵan eńbekteri, sonymen qatar ómir boıy jınaǵan, syıǵa alǵan ózge eńbek avtorlary men ǵalymdardyń qoltańbalary qoıylǵan kitaptary bar. Onyń qatarynda: qazaq, túrik, ázirbaıjan, ózbek, qyrǵyz, bashqurt, uıǵyr, tatar, arab, týva, t.b tilderde jazylǵan entsıklopedııalar, túrli sózdikter, fılosofııa, folklor, tiltaný, ádebıettaný, kórkem ádebıet, óner, tarıh t. b. salalardaǵy kitaptardy kezdestirýge bolady.
Sonymen qatar 1937,1938,1940-jyldary shyqqan «Qazaq sovet ádebıeti», «Ádebıet hrestomatııasy» syndy ózge de eski basylymdy kitaptar bar.
Qordyń ishinde oqyrmandardyń qyzyǵýshylyǵyn týdyratyn óte qundy, qaıta basylyp shyǵarylmaıtyn eski basylymdar kóp. Bul — búgin men keleshek urpaqqa jasalǵan baǵasy bıik rýhanı mura.
Kitaphana qyzmetkerleri 3000 kitapty salalary boıynsha bólip, óńdeýden ótkizdi. Arnaıy bazaǵa engen kitaptardy oqyrmandar kitaphana sórelerinen alyp, oqýdy bastap ketti.
Ýnıversıtet kitaphanasyna berilgen bul qor — professor-oqytýshylar men stýdentterden bastap, ózge de oqyrmandar úshin bilimniń taptyrmas qaınar kózine aınaldy. Túrkitaný salasyna sanaly ǵumyryn arnaǵan ǵalymnyń jyldar boıy jınaǵan bilim kózderin oqý ordaǵa syıǵa tartýyndaǵy basty maqsaty da osy edi. Osylaısha Shákir Ibraev ózinen keıingi jas zertteýshilerdiń ıgiligi men ǵylym jolyndaǵy bastamalaryna qoldaý kórsetý úshin ózindegi bar baılyǵymen bólisti.