Belgili mýzykatanýshy Álııa Sabyrova dúnıeden ozdy

ASTANA. KAZINFORM —  Belgili mýzykatanýshy, ónertaný kandıdaty, qazaqtyń dástúrli mýzykasyn tereń zerttegen ult rýhanııatynyń janashyry, ulaǵatty ustaz Álııa Sabyrova dúnıeden ozdy. Bul týraly Mádenıet jáne aqparat mınıstrliginiń baspasóz qyzmeti habarlady. 

— Mádenıet jáne aqparat mınıstrligi belgili mýzykatanýshy, ónertaný kandıdaty, qazaqtyń dástúrli mýzykasyn tereń zerttegen ult rýhanııatynyń janashyry, ulaǵatty ustaz Álııa Sultanmuratqyzy Sabyrovanyń dúnıeden ozýyna baılanysty marqumnyń otbasy men týǵan-týystaryna qaıǵyra kóńil aıtady, — delingen habarlamada.

Álııa Sultanmuratqyzy sanaly ǵumyryn qazaq mýzykasynyń ǵylymı negizderin zerdeleýge, túrki áleminiń ortaq rýhanı tamyryn, ulttyq murany zamanaýı ǵylym bıigine kóterýge arnady.

Qazaqstanda alǵashqylardyń biri bolyp «Álem halyqtarynyń mýzykasy» atty avtorlyq kýrsty engizip, mýzykalyq bilim berý salasyna tyń serpin berdi.

Onyń zertteýleri Abaı men Shákárim murasynyń mýzykalyq-fılosofııalyq mánin ashýǵa zor úles qosty. Ǵalymnyń jetekshiligimen ondaǵan magıstrlik jáne doktorlyq dıssertatsııalar qorǵaldy. Ǵylymı qyzmetinen bólek, uztaz retinde de ulaǵatty jolda qajyrly qyzmet etip, kóptegen shákirt tárbıeledi. Óz isine adaldyǵy men bastamashyldyǵy, jańashyl kózqarasy arqyly zamandastary arasynda zor qurmetke bólendi.

— Álııa Sultanmuratqyzynyń jarqyn beınesi, óner men ǵylymǵa sińirgen ólsheýsiz eńbegi halyq jadynda máńgi saqtalady dep senemiz. Marqumnyń jany jánnatta, ımany salamat bolsyn, — delingen mınıstrlik habarlamasynda. 

Aıta ketelik qazaq mádenıetiniń kórnekti qaıratkeri ıÝrıı Aravın ómirden ozdy.