Belgili qoǵam qaıratkeri jáne saıasatker Baqyt Túmenova ómirden ótti
ASTANA.KAZINFORM - «Aman-saýlyq» qoǵamdyq qorynyń prezıdenti Baqyt Túmenovanyń qaıtys bolǵany týraly Májilis depýtaty Ermurat Bapı áleýmettik jelide jazdy.
Baqyt Týmenova 1948 jyly Qyzylordada dúnıege kelgen. Semeı memlekettik medıtsına ınstıtýtyn «pedıatrııa» mamandyǵy boıynsha bitirgen.
1972-1994 jyldary Semeı Densaýlyq saqtaý júıesinde eńbek etti. Balalar juqpaly aýrýlar aýrýhanasynda dáriger bolyp jumys istedi, oblystyq basqarmada basshylyq qyzmet atqardy.
Keıin oblys ákiminiń apparatynda jumys istedi. Onda áleýmettik salaǵa jáne ıadrolyq synaqtardyń saldaryn joıý máselelerine jetekshilik etti.
1998-2001 jyldary Pavlodar oblysy ákiminiń áleýmettik máseleler jónindegi orynbasary qyzmetin atqardy.
2000 jyldardyń basynda birqatar qoǵamdyq-saıası birlestiktiń qyzmetine qatysty.
2007 jyldan bastap «Aman-saýlyq» qoǵamdyq qoryn basqardy.
Ol densaýlyq saqtaý mınıstrligi Ulttyq qoǵamdyq keńesiniń, Almaty ákimi janyndaǵy Saraptamalyq keńestiń jáne qalalyq Densaýlyq saqtaý basqarmasy qoǵamdyq keńesiniń quramynda boldy.
