Belgili bloger Álisher Elikbaev kirister komıtetimen sottasyp jatyr
ASTANA. KAZINFORM — Memlekettik kirister komıteti qazaqstandyq bloger Álisher Elikbaevtyń tabys salyǵyn tóleýge qatysty sotta jeńip shyqtym degen úndeýine jaýap berdi.
— Áleýmettik jelide bloger Álisher Elikbaevtyń memlekettik kirister organdaryn sotta jeńip shyqqany jóninde aqparat taratylyp jatyr, bul jalǵan. Sot onyń talabyn máni boıynsha qaraǵan joq jáne memlekettik kirister organdarynyń áreketin zańsyz dep tanyǵan joq, — delingen habarlamada.
Resmı aqparatta aıtylǵandaı, 2025 jylǵy 15 tamyzdaǵy jaǵdaı boıynsha, memlekettik kirister organdarynyń áreketin zańsyz dep taný týraly sot sheshimi shyqqan joq.
— Memlekettik kirister organdarynyń áreketin zańsyz dep taný jóninde taratylyp jatqan aqparat shyndyqqa sáıkes kelmeıdi, — deıdi Kirister komıtetinen.
Osy oraıda quzyrly organ BAQ ókilderinen tekserilmegen derekti jarııalamaýdy surap otyr.
Birer kún buryn kiris deklaratsııasyn tapsyrmaǵan jeti blogerge qatysty is sotta qaralyp jatqany týraly habarlaǵan edik.
Osy oraıda Qarjy mınıstri barlyq blogerdi bıznes júrgizý barysynda muqııat bolýǵa shaqyryp otyr.