Belgili akter Murat Bısembın ómirden ótti

ASTANA.KAZINFORM - Qazaqstandyq akter Murat Bısembın 53 jasynda ómirden ótti.

Qaıǵyly habardy onyń qyzy Dıana jetkizdi.

– 11.10.1972 - 08.01.2026. Sheksiz jaqsy kóremin, - dep jazǵan ol áleýmettik jelidegi paraqshasynda ákesiniń sýretin jarııalap.

Akter suhbatynda biraz ýaqyttan beri onkologııamen kúresip júrgenin aıtqan bolatyn. 2025 jyldyń jeltoqsanynda ınsýlttan keıin aýrýhanaǵa túskeni belgili boldy.

Murat Bısembın 1972 jyly 11 qazanda Qyzylorda qalasynda dúnıege kelgen. Qyzylorda memlekettik ýnıversıtetiniń túlegi. Mamandyǵy — ınjener-elektrık.

2000 jyldan Almaty qalasynda turdy.

2001 jyldan kınoǵa tústi. Eń tańdaýly keıipkerleri reseılik «Paragraf 78» fılmi men rejısser Aqan Sataevtyń «Reketır» jáne «Aǵaıyndy» fılmderinde somdalǵan. 

Bısembınge tanymaldyq alyp kelgen  «Reketır» fılminen keıin kórermender akterdi áli de atalǵan týyndydaǵy Rýslan obrazymen baılanystyrady.

Akterlikten bólek Murat bokspen, aýyr atletıkamen, bodıbıldıng jáne paýerlıftıngpen aınalysty. Kınodaǵy jumysynan bólek Qazaqstandaǵy «Habar» arnasyndaǵy «Arena» sporttyq baǵdarlamasy júrgizýshileriniń biri boldy.

Úılengen. 3 balasy bar.