Belgııanyń shyǵysynda sınagogada jarylys boldy

ASTANA.KAZINFORM - Belgııanyń Lej qalasyndaǵy sınagogada jarylys boldy. Bul týraly Kazinform agenttiginiń Brıýsseldegi menshikti tilshisi habarlady.

Jergilikti BAQ málimetinshe, jarylys 9 naýryz kúni tańǵy saǵat 04:00 shamasynda Leon Frederık kóshesindegi evreı ǵıbadathanasynda bolǵan. Zardap shekkender týraly aqparat joq. Alaıda jarylys qýatty bolǵan. Kúshtiligi sonshalyq, sınagoga ǵımaraty men qarsy bettegi úılerge zaqym kelip, terezeler synǵan.

Bernar Kınten bul oqıǵany Belgııadaǵy evreı qaýymyna qarsy baǵyttalǵan «antısemıttik áreket» dep atady.

Onyń aıtýynsha, eldegi osyndaı nysandardyń aınalasyndaǵy qaýipsizdik sharalary kúsheıtiledi.

Al Belgııa evreı uıymdary komıteti (CCOJB) prezıdenti Iv Oshınskı bul oqıǵany «óte alańdatarlyq ári kúrdeli antısemıttik áreket» dep baǵalap, qatań aıyptady.

Buǵan deıin Eýropol Eýropalyq odaq aýmaǵynda terrorıstik qaýip deńgeıi artqanyn málimdegen bolatyn.