Belgııanyń eń iri áýejaıy ereýilge shyqty
ASTANA. KAZINFORM — Búgin Sharlerýa qalasynyń áýejaıy (Brıýsselden 40 shaqyrym jerde) bir kúndik ereýil bastady.
Áýejaıdaǵy barlyq reıster toqtatyldy. Bir kún buryn kásipodaqtar Vallonııa áýejaılar mınıstri Sesıle Nevenmen (MR) kelissóz júrgizdi, biraq ol nátıje bermedi.
Osylaısha búgingi ereýil 30 myńǵa jýyq jolaýshyǵa áser etti.
Sharlerýa áýejaıy operatorynyń aıtýynsha, qaýipsizdik jáne personal tapshylyǵyna baılanysty barlyq shyǵatyn jáne kiretin reıster toqtatyldy. Búgin reısi bar jolaýshylarǵa olardyń áýe kompanııasy habarlasady.
«Qandaı da bir suraǵy bar, jańa reıske tapsyrys bergisi keletin nemese aqshasyn qaıtarýdy talap etken kez kez kelgen adam áýe kompanııasyna habarlasqany jón, biraq áýejaıǵa barmaýy kerek», — delingen habarlamada.
Búgin tańerteń kásipodaq basshylyǵynyń kezekti otyrysy ótedi dep josparlanǵan.
«Sharlerýa kelissóz konstrýktıvti bolatynyna jáne kelisimge ákeledi dep úmittenedi», — delingen áýejaı habarlamasynda.
Ereýil qyzmetkerlerdiń jumys jaǵdaıyna baılanysty bastalǵan, olar sondaı-aq «agressıvti basqarýǵa» da shaǵymdandy.
Kásipodaqtar ereýil týraly habarlamany ótken sársenbide jiberdi.
