Belgııalyqtar Koroli jáne Patshaıym Matılda Qazaqstanǵa memlekettik saparmen keledi
ASTANA. KAZINFORM – 11-14 qazan kúnderi Prezıdent Qasym-Jomart Toqaevtyń shaqyrýymen Belgııalyqtar Koroli Fılıpp jáne Patshaıym Matılda Qazaqstanǵa memlekettik saparmen keledi. Bul týraly Aqorda habarlady.
Joǵary deńgeıdegi kelissózder barysynda Qazaqstan men Belgııa arasyndaǵy san qyrly yntymaqtastyqty nyǵaıtý perspektıvasy talqylanady.
Prezıdent Qasym-Jomart Toqaev pen Korol Fılıpp jáne Patshaıym Matılda«Qazaqstan-Belgııa» iskerlik keńesiniń 4-otyrysyna jáne eki el joǵary oqý oryndary rektorlarynyń forýmyna, sondaı-aq basqa da is-sharalarǵa qatysady dep josparlanyp otyr.
Sapar qorytyndysy boıynsha Birlesken málimdeme qabyldanyp, birqatar qujatqa qol qoıylady.
