Belgııalyq jýrnalıst Qazaqstannyń týrızm elshisi atandy

ASTANA. KAZINFORM — Qazaqstannyń Belgııadaǵy elshiliginde «Qazaqstan Respýblıkasynyń týrızm elshisi» qurmetti mıssııasy tabystaldy. Bul týraly «Kazakh Tourism» ulttyq kompanııasy málim etti.

Qazaqstannyń Belgııadaǵy elshisi Roman Vasılenko «Kazakh Tourism» kompanııasy atynan «QR týrızm elshisi» qurmetti mıssııasyn jýrnalıst Derıa Soısalǵa tapsyrdy. Medıa ókili halyqaralyq basylymdarmen belsendi yntymaqtasyp, eýropalyq oqyrmandardy bizdiń elimizben tanystyrady.

— Qazaqstan óziniń tabıǵatymen, qonaqjaılylyǵymen jáne damýǵa degen umtylysymen tereń áser qaldyrdy. Men bul el týraly Eýropada múmkindiginshe kóp adam bilgenin qalaımyn, — dedi belgııalyq jýrnalıst Derıa Soısal.

2018 jyly Kazakh Tourism Qazaqstanǵa týrıstik baǵyt retinde halyqaralyq qyzyǵýshylyqty arttyrýǵa baǵyttalǵan «QR týrızm elshisi» baǵdarlamasyn qolǵa alǵanyn atap ótken jón. Oǵan sheteldik týrızm ındýstrııasy, mádenıet pen bilim salasynyń ókilderi, medıa jáne tsıfrlyq keńistiktegi mamandar qosylýda. Buǵan deıin qurmetti mıssııany Dımash Qudaıbergen, japon blogeri ıÝdzı Natsýma jáne QHR ınflıýenseri Taotao qabyldady.

VI Dúnıejúzilik kóshpendiler oıyndary elshisi bolyp qyrǵyzstandyq sportshy Aısýlýý Tynybekova atanǵan edi.