Belgııalyq Porschist jýrnaly Almatyny týrıstik baǵyt retinde tanystyrdy
ASTANA. KAZINFORM – Belgııada Qazaqstanǵa arnalǵan Porschist jýrnalynyń arnaıy sany jaryq kórdi.
Basylymda Astana, Almaty, Shymkent, Túrkistan jáne Baıqońyr jeke týrıstik baǵyttar retinde usynylǵan.
Jýrnal materıalynda ár qala ózindik tarıhy men ereksheligi bar derbes baǵyt retinde sıpattalǵan. Almaty Іle Alataýynyń baýraıynda ornalasqan, zamanaýı sáýlet pen tabıǵı landshaft úılesim tapqan megapolıs retinde kórsetilgen.
Maqalada Respýblıka alańy men Táýelsizdik monýmenti, Voznesensk kafedraly shirkeýi, Kóktóbe, sondaı-aq ıspan músinshisi Jaýme Plensanyń «Nades» músini atalǵan.
Túsirilim jumystary 2025 jyldyń jazynda Almaty Tourism Bureau qoldaýymen júrgizilgen.
Aıta keteıik, Qazaqstannyń týrıstik maýsymy naýryzda ótetin eki mańyzdy is-sharamen ashylady.