Belgııalyq kompanııa Qazaqstanda zyǵyr óńdeý jobasyn iske asyrýǵa múddeli
ASTANA. KAZINFORM — Qazaqstan Belgııaǵa zyǵyr jetkizilimin aıtarlyqtaı arttyrdy, bul osy ónim eksportynyń negizgi baǵytyna aınaldy. Taraptar saýda kóleminiń ósýi aıasynda shıkizat jetkizýden ozyq óńdeýge kóshýdi jáne Qazaqstanda birlesken kásiporyn qurý múmkindigin talqylaý ústinde, dep habarlaıdy agenttiktiń Brıýsseldegi menshikti tilshisi.
Qazaqstannyń Belgııadaǵy elshisi Roman Vasılenko Mýskrondaǵy belgııalyq otbasylyq «Vandeputte Group» kompanııasyna baryp, onyń ıesi jáne satyp alý jónindegi dırektory Anrı-Fransýa Vandepýttemen kezdesti.
2025 jyly Qazaqstannyń Belgııaǵa zyǵyr eksporty eki eseden astam ósip, 164,4 mln dollarǵa jetti. Bul Qazaqstannyń koroldikke eksportyndaǵy eń iri taýarlyq pozıtsııasyna aınaldy. 2025 jyldyń qyrkúıeginen 2026 jyldyń mamyryna deıin Qazaqstan Belgııaǵa rekordtyq 309 500 tonna zyǵyr jetkizdi, bul osy daqyl eksporty jalpy kóleminiń 28%-yn qurady.
Jetkizilim ósimi Qazaqstanda zyǵyr óndirisiniń artýymen baılanysty. 2025 jyly zyǵyr egistiginiń alańy 1,35 mln gektarǵa, al jalpy ónim — rekordtyq 1,35 mln tonnaǵa jetti. Eksport 833 300 tonnany qurady, bul 2024 jylǵy kórsetkishten eki esege jýyq artyq. Bul eýropalyq óńdeýshilermen uzaq merzimdi yntymaqtastyqty keńeıtý úshin turaqty shıkizat bazasyn quryp otyr.
Qazaqstannyń Belgııadaǵy elshisi Roman Vasılenkonyń Mýskrondaǵy belgııalyq otbasylyq «Vandeputte Group» kompanııasyna sapary kezinde odan ári yntymaqtastyqtyń bolashaǵy talqylandy. Dıplomat kompanııanyń ıesi jáne satyp alý jónindegi dırektory Anrı-Fransýa Vandepýttemen kezdesti.
Kompanııanyń Qazaqstanmen yntymaqtastyq ornatqanyna 20 jylǵa jýyq ýaqyt boldy jáne Belgııadaǵy kásipornynda óńdeý úshin qazaqstandyq zyǵyrdy satyp alyp otyr. Qazaqstan — kompanııanyń eń iri shıkizat jetkizýshisi.
Kezdesý barysynda taraptar qazaqstandyq zyǵyrdyń Belgııaǵa jáne EO-nyń basqa elderine jetkizilimin keńeıtý, sondaı-aq ónerkásiptik yntymaqtastyqty tereńdetý múmkindigin talqylady. Atap aıtqanda, másele zyǵyrdy óńdeýdi jergilikti jerge ornalastyrý jáne joǵary qosylǵan qun ónimderin óndirýge qatysty boldy.
Elshi R.Vasılenko Qazaqstannyń sonyń ishinde Belgııa koroli Fılıpptiń 2026 jyldyń qazan aıynda Qazaqstanǵa alǵashqy memlekettik sapary aldynda Belgııa kompanııalarymen ınvestıtsııalyq jáne ónerkásiptik seriktestikti keńeıtýge múddeli ekenin atap ótti.\
— Biz kezdesken kompanııa basshylarynyń biri Anrı-Fransýa Vandepýtte qatysatyn osy sapar barysynda yntymaqtastyǵymyzda jańa qadam jasalady dep úlken úmit artyp otyrmyz. Sondaı-aq bul kompanııa, bylaısha aıtqanda, Qazaqstanda odan ári de tereń tamyr jaıady dep senemiz. Qazir biz osyndaı kompanııalardyń qataryn kóbeıtý baǵytynda jumys istep jatyrmyz, — dedi dıplomat.
Qazaqstannyń Eýropa naryǵyna senimdi zyǵyr jetkizýshisi retindegi ustanymyn nyǵaıtýǵa erekshe nazar aýdaryldy.
Taraptar kezdesý barysynda zyǵyr maıyn óndirý, oleohımııa jáne jem ónimderi salasyndaǵy belgııalyq tehnologııalar men tájirıbeni Qazaqstanǵa berý máselesin de talqylady.
— Yqtımal seriktestik aıasynda zyǵyrdy uzaq merzimdi jetkizý tizbegin qalyptastyrý, suryptardy tańdaý boıynsha yntymaqtastyq, ónimdilik pen sapa standarttaryn arttyrý, Belgııaǵa tıimdi eksporttyq logıstıkany damytý, al keleshekte joǵary qosylǵan quny bar ónim óndirisin jergiliktendirý jáne Qazaqstanda zyǵyr óńdeý jónindegi birlesken kásiporyn qurý kózdelýi múmkin, — dep atap ótti R. Vasılenko.
«Vandeputte Group» basshysy Anrı-Fransýa Vandepýtte qazaqstandyq delegatsııamen kezdesý óte qyzyqty bolǵanyn habarlady.
— Aldymen úsh óndiristik bólimshege ekskýrsııa jasadyq. Atap aıtqanda, jylyna 100 myń tonnadan astam zyǵyr tuqymyn óńdeıtin maı óndirý zaýytyna bardyq. Odan keıin sabyn qaınatý zaýytyn aralap, ekskýrsııamyzdy oleohımııa bólimshesinde aıaqtadyq. Sodan soń kezdesý ótkizip, onda negizgi taqyryptardyń biri logıstıka máselesi boldy. ıAǵnı Qazaqstannan Belgııaǵa jetkizilim logıstıkasyn barynsha tıimdi uıymdastyrý joldaryn talqyladyq. Sebebi bizdiń qazaqstandyq zyǵyr tuqymyna degen qajettiligimiz jylyna 100 myń tonnadan asady. Qazaqstandyq shıkizat bizdiń zyǵyr tuqymy ımportymyzdyń jalpy kóleminiń 90 paıyzdan astamyn quraıdy. Sondyqtan bizdiń kompanııa úshin senimdi logıstıkany qamtamasyz etýdiń qanshalyqty mańyzdy ekenin túsinýge bolady. Qazirgi geosaıası jaǵdaıdy eskersek, bul másele aıryqsha mańyzdy. Biz osy taqyrypty jan-jaqty talqyladyq, — dedi Anrı-Fransýa Vandepýtte.
Osyǵan deıin Brıýsselde Qazaqstan men Belgııanyń 34 jyldyq dostyǵyna arnalǵan velosherý ótkenin jazdyq.
