Belgııalyq klýb «Qaıratpen» bolatyn match aldynda alǵashqy jeńilisine ushyrady
ASTANA. KAZINFORM – Almatylyq «Qaırattyń» eýrokýboktaǵy qarsylasy Brıýsseldiń «Anderlehti» 2026/2027 jylǵy Belgııa chempıonatynyń (Jupiler Pro League) ekinshi týrynda kútpegen jerden jeńilip qaldy, dep habarlaıdy Kazinform-nyń Eýropalyq odaqtaǵy menshikti tilshisi.
«SK Beverenge» qarsy syrt alańdaǵy kezdesýde astanalyq klýb 0:1 esebimen ese jiberdi. Alań ıeleri jalǵyz ári jeńis golyn matchtyń 14-mınýtynda soqty. Gol avtory – qorǵaýshy Ionı Gomıs.
Brıýsseldik komanda oıyn barysyn ózgertýge birneshe ret áreket jasaǵanymen, «Beveren» qaqpashy Iohannes Shenktiń senimdi oıynynyń arqasynda jeńisti esepti saqtap qaldy. Bul «Anderleht» bas bapkeri Vıtor Brýný úshin komandany basqarǵaly bergi alǵashqy jeńilis boldy.
Bul kezdesý belgııalyq klýbtyń almatylyq «Qaıratpen» ótetin eýrokýbok matchy aldyndaǵy negizgi daıyndyqtarynyń biri sanalady.
Oıyn nátıjesine pikir bildirgen «Anderleht» bas bapkeri Vıtor Brýný shákirtteriniń shabýyldaǵy múmkindikterin paıdalana almaǵanyn atap ótti. Degenmen ol fýtbolshylar aldaǵy halyqaralyq kezdesýler aldynda tıisti qorytyndy shyǵaratynyna senim bildirdi.
«Qaırat» pen «Anderleht» arasyndaǵy ÝEFA Eýropa lıgasynyń 2026/2027 jylǵy maýsymynyń pleı-off kezeńi eki matchtan turady. Alǵashqy kezdesý 20 tamyzda Almatydaǵy Ortalyq stadıonda ótedi.
Qarymta match 27 tamyzda Brıýsseldegi «Lotto Park» stadıonynda oınalady. Eki match qorytyndysy boıynsha jeńiske jetken komanda Eýropa lıgasynyń toptyq kezeńine joldama alady.
Aıta keteıik, buǵan deıin «Qaırat» qarymta matchta «Levskıden» jeńilip, Chempıondar lıgasyndaǵy joryǵyn aıaqtaǵanyn jazǵan edik.
